Kuychi Wiñarishkamanta.

KUYCHI WIÑARISHKAMANTA.

Kuychi_2

KUYCHI WIÑARISHKAMANTA.

Kimsa tamya wiki puyupi kawsarka. Chaypi hatunyankakama sakirirkakuna, shinapash kay allpata riksisha nirkakuna.

Puyupi ña mana tiyay tukurkakunachu. Apu wayrapash puyupi kawsarka.

Ashtawan hatunlla wiki amu wayraman nirka.

– Shuk llankayta kuy.

Apu wayraka kulun nishpa.

– ¿Pitak kankichu? ¿Imata ninkichu?, nirka.

Wiki mancharirka, shina manchayta sakishpa, nirkapash:

– Apu, ñuka allpata riksisha nini.

Apu wayraka nirka.

– Allimi, pachaman kachashami.

Shinapash wayra pukurka. Wiki urmarka ura pachaman.

Pay uriman urmakushpa, nirirka:

– ¿ Ima llankaytachari rurashachu?

Kunkaymanta shuk sumak sisa hawapi urmarka.

Sisata nirka.

– Aw… wikilla yanapankapak shamushkamanta kushikuni. Kaywan ñuka sisamuyuntikta kachasa, shinashpa achkata sisayashunmi nirka. Wikipash yanapashkamanta kushikurka, apu wayrapash wiki alli rurashkmanta kushi karka.

Chay washa shuktak wikipash llukshisha nirka:

– Chayshuk wikishina, urayman urmakurka.

Ñapash kunkaymanta shuk wawapak mapa ñawipi urmarka, ñawita picharka. Apu wayra rikurka. Ñawipi urmachun kachaskkata rurashkamanta kushi karka.

Shuk uchilla wiki puyupi sakirishka karka. Ña urmay kallarikpika, apu Inti rikupika, kaparirka:

– Uchilla wiki ashata shuyay… Ñuka kanta munanimi, hawa pachapi tiyakuylla. Ñuka kanwan shuk sumak kuychita rurasha nirka. Ñuka ninata kanpi shitasha, kanka tukunkimi nirka: Killu, ankash, puka, waylla sumakmi kanki, nirka.

 Hapishpa: TARUKA,  kamumanta

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s