Wawakunapa Rimaykuna

WAWAKUNAPA  RIMAYKUNA.

Wawa_ushuta

“Uturunkupa Ayllumanta rimay”.

Yaya uturunku mama uturunkupash, mikunakunata rantinaman Riobamba llaktapi llukshishkakuna nin, shinapash wawa uturunkutaka ushpata shitanki, wasi ukutapash pichanki nishpami sakirirka.

Chay wawa uturunkuka yaya mamata uyak kashkamantami, ima ruraykunatapash paktalla rurak kashka, shina kakpika chay wawa ushpata shitanaman llukshikpimi, ñapash wayra shamushpa punkutaka wichkashka, chashna tukupikmi wawa uturunkuka shunkumanta llakirishpa achkata wakay kallarishka .

Pay shina wakakukpimi, ñapash paypa kay mashi wiwakuna rikurishka:shuk kari wakra, chantasu, ukuchapishmi kashka nin. Chay wiwakuna wawa uturunku kuyaytalla wakakukta rikushpami. Wakraka,

– Ñukami wirasapa sinchimi kani,

Nishpa yanapanaman rishka.

Chay wakraka wirasapa kashpapash mana wasi punkuta paskay tukurkachu. Kipaka chantasu wiwami,

– Ñukamari tukuyta yalli sinchi kani

Nishpa paskashkata yuyarka, chay wiwapash mana paskayta usharkachu.

Chashna chay wiwakuna mana paskayta ushakpimi uchilla ukuchaka

– Ñuka paskashpa kusha nirka

Chayta uyashpaka kayshuk wiwakuna kashna nishpami achkata asirkakuna

– Kan karka wiwaka imatak paskay ushankiyari – nirkakuna.

Shinapash chay uchilla ukuchaka shuk utkuta yaykushpami wasi punkuta paskashpa kurka, chasna yanapakpimi wawa uturunkuka yaya mama rurachun nishka ruraykunata tukuy rurashpa shuyakurka.

KAMUMANTA: Wawakunapa Rimaykuna – Dirección Provincial de Educación Intercultural Bilingüe de Chimborazo – DIPEIBCH.

AMSAYANAMARI.

 

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s