Wawakunapa Rimaykuna

WAWAKUNAPA RIMAYKUNA

chuchiku

“Shuk Killa Chuchimanta.”

Ñawpa punchakunapi shuk mama atallpaka pusak wawa chuchikunata charishka, payka utkata hatarishpami mikunata, murukunata, kurukunatapash mashkashpa punchata purik kashna nin.

Shinapash puchukay chuchika Yachanawasiman rikallarishka chay chuchika, pay Yachana punchakunapika paypa mamapa makipi charirishpami rik kashka asha punchakuna kipaka payllami Yachanawasiman purikkashka.

Chaypimi paylla kashkamanta ishkay mashikunawan mashiyarishka chay mashikunaka kaykunami kashka, allí yuyayta charikkuyka, kayshukka anka mishki shimi hayak shunkukumi kashka, chay chuchika paypa mamataka tukuy tutamantami Yachanawasiman rini nik kashka, ashtawanpash mana Yachanawasiman rishpa chawpi ñankunapi paypa mashi yarishkawan sakirik kashka.

Shinallatak chay ankaka umashpami hawa urkuman chuchita pushashpa rik kashka, chashna rurashpami chuchika mana Yachanawasiman rik kashka, ña mana rikurikpimi kuykaka paypa mama atallpaman willanaman rishka.

Chay willashkata uyashpami mama atallpaka, allkuta, misita, ukuchata, kuchitapash hakuchik ñuka wawata mashkashunchik nishpa pushashpa rishka.

Chaymanta ukuchata ñawpachishpa rikunaman kachashkakuna, chay ukuchaka rikunaman rishpaka, anka chuchita mikunkapak, sirikuktami rikurka, chayta rikushpami sinchita kaparishka, shina kaparikpimi kayshuk wiwakuna chay ankata hapishpa rikrata pakishpa kacharkakuna.

Chaymantami mama atallpak paypa wawa chuchita wasiman pushashpa shamurkakuna.

KAMUMANTA: WAWAKUNAPA RIMAYKUNA. Dirección Provincial de Educación Intercultural Bilingüe de Chimborazo – DIPEIBCH.

AMSAYANAMARI

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s