Wawakunapa Rimaykuna

WAWAKUNAPA RIMAYKUNA

yurakuna1

“Yurata wawamanta Wakachik”.

Shuk punchami yachachik mashika paypa yachachina wasiman chayarka, chaypika wawakunawan rimanakushpami sumakta purinata yuyarirkakuna, Carlitos shinlliku wawakuka mana risha nishpa paypak Yachanawasipi sakirirkallami.

Chay Yachanawasi muyuntikpika achka hatun, uchilla yurakunami tiyarka, mama pachapi imalla tiyaykuna kamankapak.

Carlos wawakuka paylla kashpami, uchilla yurawan pukllanata yuyarirka, chaymantami uchilla yurapak mallkikunata utuy kallarirka, chashna pukllakukpimi shuk rimashka uyarirka:

– ¡Ayayay! ¡ayayay!, chay kaparishkata uyashpami achkata mancharirka. Pitak chashna kaparikun nishpa tapurirka.

Chayta uyashpapash ashawan yura mallkikunata utushpa katirkallami, shuk kutinwanmi:

¡ayayay, ayayay!. Manachu ñukata llakichishkata rikunki nirka.

Chaymantami kutin shuktak yurakunapash,

– Ama chayta ruraychu, manachu uchilla yurakuna wakakukta rikunki, nirkakuna.

Yurapak pankakunata wiki urmakukta rikushpami Carlitos wawaka yurakuta chukrichinata chayllapi sakirka. Chay pachamantami yurakunapash kawsayta charishkata yachashpa sumakta kamashpa kawsarka.

KAMUMANTA: WAWAKUNAPA RIMAYKUNA. Dirección Provincial de Educación Intercultural Bilingüe de Chimborazo – DIPEIBCH.

AMSANAMARI

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s