Kawsaymanta

KAWSAYMANTA.

Yaku_kawsaymanta

“Yaku Kawsaymanta”.

Yaku imashina kawsanataka tamyapimi rikunata ushanchik. Tamyakpi yakuka allpami, urkukunapipash urmanmi, Shinapash hatun urkukuna hawapi urmashka yakuka, chirimanta rasu tukunmi.

Kay rasu yaku, inti kunuchikpi, wayra pukuchikpipash kutin yakuyanmi. Shinapash wakin hatun, hatun urkukuna hawapi, yapa chiri kashkamanta, yakuka rasushina kawsanlla.

Kipaka, tamiashka yaku, allpapi tiyak shuktak yaku, urkukunapi tiyak yakupash samay yaku tukunkunami. Inti rupachikpi, wayra pukukpipash, yakuka, samay yakuman tikranmi.

Kay samay yakuta, wakinpika yurak kushnishina hawaman wichayanaya rikunchik.

Samy yaku hawapi tantarishpaka puyukuna tukunmi. Shinapash mana tukuy puyukuna pakta pakta kanchu. Wakin puyukunaka ashtawan llashakkunami kan. Chayrayku kaykunaka urayllapi tiyankuna. Kutin shuk puyukunaka mana shina llashakchu kan. Chay ashtawan yakuta charin puyukunami ashtawan llashakkuna kan.

Kipa achka yakuta charik puyukuna tiyakpi, wayrakunapash allikuna kakpika samay yaku chiriyashpa kallarinkuna. Ña tamyankapak kashpaka puyukuna yanalla rikurinkuna.Chaymanta ashtawan chiriyashpa, samay yakuka tamia tukunmi.

Shinami yaku, wawkinpika rasu yaku kakmanta yakuman tikran. Kipa kutin rasuman, mana kashpaka samay yakumanpash tikran.

Shinallatak samay yaku kakmantapash kutin, yakuman, rasumanpash tikranata usharinllami, Rupay, wayrakunapash yakuta shuk kakmanta shukman tikranchinkuna.

KAMUMANTA: Ñukanchik Kawsaymanta Yachaykuna. Antisuyu – Punasuyu. DINEIB; 1996.

AMSANAMARI

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s