Kawsaymanta

KAWSAYMANTA

Inti_Raymi_Kingman

“Ñukanchikpa Raymikunata”.

Ñukanchik kawsaypika mana sawarina raymilla tiyanchu, shukkunatapash charinchik. Kay raymikunataka Ñawpa Pacha yayakunamantallatakmi rurashpa kawsanchik. Shinami, murukunata pallana pachapika Inti Raymi shutitami charishkanchik. Kay raymitaka, murukuna sumak pukushkamantami kushikushpa rurakkuna kashkanchik.

Kay raymitaka mishukuna shamushpami “San Juan” nishka shutita churashpa sakishkakuna. Chay mishukuna shina shutichishpa sakishkamantami, paypak kikin shutitaka kunkashpa katikushkanchik. Shinapash kunan pachapipash, ñukancik raymikunata mana kunkanchik nishpa “San Juan” nishka raymita rurashpa tushunchik. Shinallatak shuk raymikunatapash charik kashkanchik, shinapash kunanka mishukunapak shutikunawanmi riksinchik.

Antisuyupika sacha aycha hapishpa, aychawantapash hapishpa raymikunata ruranchik. Kaypika tukuy ayllukuna tantanakushpa, pukushpa lumu aswata upyashpa, aychatapash mikushpa, tushuytapash rurashpa raymikunataka yallinchik. Punasuyupika, ñukanchik allpapi pukushka sarakunatami aswata rurashpa upianchik. Ashtawanka hura aswata upyanchik. Mutita, cuy aychata, cuchi aychata, apita, papata, shuk mikunakunatapash mikunchik. Tushuytapash sumak churarinakunata churashpa ruranchik. Kunan pachapika ishkay suyukunapi machana yakukunatapash upyashpa kay raymikunataka yallinchik. Ñawpa pachapika aswatalla upyakkuna cashkanchik.

Kunan pachapi, wakinkunaka kay raymikunapi yapa kullkita tukuchinchik. Raymikunapi kullkita tukuytapash mikunapakka mana tiyankachu. Mana alli mikushpaka unkukchillami. Yapa machashpapash unkunchikllami. Chaymanta Ñawpa pachapishina ñukanchik aswata upyashpami raymikunataka rurana kanchik. Kullkita ama tukukuchinkapakpah tukuy ayllukuna asha asha yapayta churashpami rurana kanchik.

KAMUMANTA: Ñukanchik Kawsaymanta Yachaykuna. Antisuyu – Punasuyu. DINEIB; 1996.

AMSANAMARI

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s