Kawsaymanta

Kawsaymanta.

Puka

“Tantarinamanta Yachay”.

Ayllullaktapika shuk uchilla tantary tiyanmi. Kay tantaripika kay llaktapi kawsak mashikunallami tantarinchik. Shinapash runakunaka mana kay ayllullakta tantaripilla sakirina kanchik. Ashtawan Hatun tantarikunatapash rurashpa katina kanchik.

Tawka ayllullakta tantarikuna tantarishpaka ña shuk kuska tantarita ruranchik. Shinallatak markapi tiyak ayllullakta tantarikuna tantarishpaka ña shuk marka tantarita ruranata ushanchik. Chaymanta wakin marka tantarikuna tantarishpaka shuk suyu tantarita ruranchik. Kunanka ña marka tantarikuna, suyu tantarikunapash tantarishpaka, mamallakta tantaritapash rurakunchik. Shina tukuy llakta runakuna tantarishpaka alli kanmi.

Shinapash wakinpi, runapura, pushakpurapash piñanakushpa, mana alli tantarinata ushanchik. Tawka chariyuk runakunapash wakcha runakuna tantarichunkunaka mana munankunachu. Karu llaktakunamanta, tantarikunata wakllichikkuna shamukpipash llaki tukunchik. Chayrayku, wakin llaktakunapi tantarina rantika ashtawan rakirikunchik. Shinapash ñukanchikka mana mancharinachu kanchik. Tantarina yuyayta hapishpa ashtawan katina kanchik.

Tukuy mamallakta alli shunkuyuk runakuna tantarishpa ashtawan ushayta charishunchik. Alli shunkuyuk wakcha mishukunawanpash tantarinami kanchik. Shina rurakpika, kamachikunata, mamakamachitapash alli mushukyachinata ushashunchik.

KAMUMANTA: Ñukanchik Kawsaymanta Yachaykuna. DINEIB. 1996.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s