Kawsaymanta

Kawsaymanta.

Runakuna_ Eduardo_Kingman

“Minkakunamanta Yachay”.

Kay Kawsay pachapika tukuysami llankaykunapimi minkakunata ruranchik. Ñukanchik llaktakunapika karikuna, warmikuna, wamprakunapashmi minkakunamanka llukshinchik.

Ñanta paskaykunapi, allichinakunapi, tukuysami hillaykunata apashpami minkakunamanka rinchik. Kay minkakunapika rumikunata aparishpa, kiwakunata anchuchishpa, yurakunata kuchushpa, shuktikuna llankaykunatapashmi ruranchik.

Shinallatak llakta ayllukunapak Wasi ruraykunapipash, warmikuna, karikuna, pakta, paktami llankanchik. Pirkakunata rurankapakka, allpata allashpa, kurpakunata ñutuchishpa, yakuta aparishpa, kaspikunata aparishpa yanapanchik. Shinallatak katankapak ukshata aparishpa, tikakunata aparishpapashmi llankanchik.

Tarpunakunata rurankapak, allpata allichinakunapi, tarpuykunapi, hallmaykunapi, yanantinakunapi, murukunata pallaykunapi, kay tukuy llankaykunapimi minkakunata ruranchik.

Ñawpa pachamantami minkakunata rurashpa sumakta llankashpa kawsanchik. Chaymantami kunan pachakunapipash minkakunata rurashpa sumak llankaykunata rurashpa katikunchik.

Kunan pachakunapika wakin llaktakunapika ña mana minkakunamanka llukshinata munankuna. Ama shina kunkarishpa katinkapakmi tukuysami minkakunata rurashpaa katina kanchik. Shina tukuylla minkata rurashpa yanaparishpaka ima llankaykunapipash hawallami tukuchinata ushanchik. Minkakunaman, shuk tantanakuykunamanpash, tukuylla kushi shunkuwan rina kanchik.

KAMUMANTA: Ñukanchik Kawsaymanta Yachaykuna. DINEIB. 1996.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s