Kawsaymanta

KAWSAYMANTA

PUMA

“Pumamanta Ñawpa Rimay”

Ñawpa pachapika  shuk hatun pumami tiyashka nin. Kay pumaka runa samayta mutkishpallami allpa ukumanta llukshik kashka nin.

Kay pumaka Sumaku kuchupimi kawsak kashka nin. Payka tawka runakunata wiwakunatapash mikuk kashka. Shina kakpi runakunaka llaktamanta kishpirinkapakka Napu muyuta katishpami llukshishkakuna.

Runakunaka tukuy wiwakunantin, mikunakunantipash rishkakuna nin. Pumaka ima mikunata mana charishpa runakunata katik kashka nin. Achkata purishka kipaka runakunapash, pumapash, sanpayashkakuna nin. Chaypimi ama shina llaki katinkapakka runakunaka kay pumawan rimarishkakuna, shina:

“Puma ñukanchik kanman mikunata karashun, shinapash ñukanchikta, wiwakunatapash ama mikushpa katinkichu nishpa”.

Kutin pumaka shinami nishka:

“Shinashpaka tukuy wañushka runa aychakunata ñukaman kunami kankichik”.

Runakunapash shinami kutichishkakuna.

“Ari shinami rurashun”.

Shina umashpami runakunaka pumata Sumaku ukuman yaykuchispa sakishkakuna nin. Chaypi wichkashpami wasiman tikrashkakuna nin.

Kallaripika wakin wañushka runakunata pumaman karakkuna kashka nin. Shinapash kipaka imatapash mana kararkakunanachu nin. Chaymanta pumaka yapata piñarik kashka nin. Kunankamanmi pumaka llukshisha nishpa kawsan nin. Kunan llukshishpaka. Payta umashkamanta runakunataka wañuchispa mikunmanchari ninkunami.

KAMUMANTA: Ñukanchik Kawsaymanta Yachaykuna. Antisuyu – Punasuyu. DINEIB; 1996.

AMSANAMARI

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s