Hawa Rimaykunna

Hawa Rimaykuna

Ukumari

Juan Ukumarimanta ñawpa rimay

Ñawpa pachakunapika sacha ukupi shuk ayllu kawsashka, paykunami taytapash mamapash, shinallatak shuk ushushiwanpash kashka.

Shuk punchaka yantata maskankapakmi rishka; taytaka ushushikuwan sachapi kakpi, shuk ukumariwan tuparishka; chay ukumarimi taytataka wañuchishka nin; chay hipami ukumarika warmi ushushikutaka, paypak hatun haka utukuman apashpa rishka.

Chaypika wamprakuta ama wasiman tikrachunka, ishkanti chakita pitishpami charikushka nin; shinallata utukutapash hatun rumiwan harkashpami ukumarika sakin kashka nin.

Tawka watakuna hipakunapi ukumarika warmiwan shuk churita charishka, chay churipak shutika Juan shutimi kashka; paykunaka punchanti punchantimi aychata mikushpa kawsan kashka, tayta ukumarimi sachaman rishpa wakra aychata apamun kashka nin.

Shuk punchaka Juan ukumarimi mamata tapushka;

– Kikinka ayllukunata charinkichu, nishpa;

Mamaka shinami tikrachishka:

– Ari charinimi;

Shina nikpika Juan ukumarika shinami nishka:

– Haku kikinpak ayllukunata riksinkapak;

Shina churi nikpika, mamaka ninantami llakirishka nin.

Mamaka shinami kutichishka,

– Kay utukumantaka imashnatak llukshishunyari nishpa;

Shina mama nikpimi, Juan ukumarika,

– ¡ama llakirikuychu mamaku!, ñuka chay hatun rumitaka anchuchishallami, nishka.

Shina nishpa rumitaka anchuchishkallami, chayta rikushpaka mamaka kutin nirka;

– kampak tayta ñanpi tuparishpaka, ishkantitamari wañuchinka nishpa, ninanta mancharishka.

Shina nikpika Juan ukumarika nirkami: Ñukataka mana ushankachu.

Chaymantami mamataka aparishpa ñanta hapirka; shina ñanta rinakukpimi tayta ukumarika tuparishka; pay tuparishpaka shinami tapushka:

– ¡mayman rinakunkichik!. Shina nikpika Juan ukumarika nishka:

– ¡ñuka mamakupak ayllukunaman rinakunchik!

Shinata uyashpaka; piñarishka, hapishpa
shinapimi makanakushka nin, tayta ukumarika piñarishpaka ninanta ishkantik mana richun sakishkachu; ishkantik ukumarikunaka

Juan ukumarika wamralla kashpaka, tayta ukumaritaka wañuchishpa hakaman urmachirka.

Chaypa hipa Juan ukumarika, mamapak wasiman chayarka, chaypimi hatunmamataka riksirka.

Mamaka Juan ukumaritaka yachana wasimanmi churarka.

Yachachik wasipika shuk alliyachakukkunaka achkatami Juan ukumaritaka, mana allikachishpa asishka, kashna nishpa:

– ukumarishnami millma millma kanki,chaymantami Juan ukumari piñarishpaka mana allikachik wamprakunataka tinkashpa shitan kashka.

Punchakuna yalikpi Juan ukumarika ñana yachana wasimanka rirkachu, ashtawankarin shuk punchaka paypak kawsak wasimanta llukshispa, mamata sakishpa sacha ukuman rishka, shina sachaman rikukpimi shuk tiyuwan tuparishka, paypak shutimi Aksimayu kashka; chay hawa shuk tiyukunawanpash tuparishka, paykunapa shutimi Sikrana Urku, shinallata Ushu Urmachik karka; shinallata hipamanka Urku Urmachik shuti tiyuwampash tuparishka.

Paykunawanmi sacha ukuman rishka; chaymantami hatun wasita tarishka, chaypimi llamkashpa kawsankapa sakirishka.

Chay wasika ayapak wasimi kashka, mana yachaymantami chaypika kawsanakushka; paykuna ukupika katipi katipimi yanushpa sakirin kashka; ñawpakpika Aksimayumi sakirishka; pay yanushkataka shuk runa chayamushpami Aksimayutaka makashpa, kichushpa mikushka.

Chashnami shuktakunatapash makashpa mikunata kichun kashka, shina rurashpa sakishkatami Juan ukumarimanka willashkanka; chashna uyashpami Juan ukumarika yanunkapak sakirishka, shinallata ña yanushka shuyakukpika, kutin chay runa chayamushpaka, ukumaritaka urmakta haytashka;
 hatarishpa
 shinapimi
 sakirishka; mishashpaka shinami tapushka: kan runaka pitak kanki.

Pay mana willakpika, rinritami kuchusha nirka, chaymi runaka ayami kani nishka; shina nikpika, kutin chayamukpika Juan ukumarika shuk rinritami kuchusha nishka, chay punchamantami kutinka mana tikramushka.

KAMUMANTA: Kichwa Karanki Tayta mamakunapa ñawpak rimaykuna.

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s