Wawakunapa Rimaykuna

Wawakunapa Rimaykuna

ukumari_1

“Hazintapi ukumari wakrata shuwashkamanta”

Shuk hazintapimi wakrakunata kamashpa wakrakamak runaruku tiyashka, shinapimi shuk pachakunaka wira wakrakunaka chinkanakushkalla, chaymi wakrakamak runarukutaka rimashka, kanllatakmi hatunkiyarin nishpa; wakrakamakrukuka ñukaka mana shina ruranichu nishpa kutichishka; ashtawankarin shuk ukumarimi chashna ruran kashka, paypak warmi unkushka kakpi mikuchinkapakmi wakrataka shuwan kashka.

Chaymi wakrakamakrukuka, shuk tutaka wakrakunata kamashpa pakarikushka; Shinapimi ña chawpi tuta kakpi, shuk ukumari wakrakunapak chawpipi rikurishka, payka wira wakrakunatami aparishpa rikushka.

Chayta rikushpami wakrakamakrukuka ukumaritaka katishpa rishka; shina rikushpami wakrakamakrukuka wakrata charikman willashka: ¡ukumarimi wakrakunataka shuwan kashka nishpa!; ñukamari katishpa rirkani, ukumaripa wasikaman nishka; shina nikpika wakrata charik tiyuka mana iñishkachu.

Chaymantami wakrakamakrukuwan, wakrata charik tiyuka katisha rishka, chay ukumaripa wasiman; ukumaripa wasipika wakra wira karawanlla rurashka kashka; chaypimi ukumaripa warmika unkushka sirikushka.

Shinapimi ukumarika wakrata lluchushpa purikushka kashna nishpa: imatapash mana manchanayanchu, ¡ukuchallatami manchanayan!, ukuchaka ukumaripa ukutipimi satirishpa manchachiryana kashka nin, chaymantami achka manchayta charishka.

Wakrakamakrukuwan, wakrata charik tiyuwan chashna uyashpami punkupika aspirka, ukumarika ukucha shamun nishpa macharishpa kallpashka; shina kallpakushpami kunka tullu umawan urmashka.

Shina urmashkata rikuspami wakrakamakrukuka tumiwan kunkapi kushpa ukumaritaka wañuchiska.

Wakrata charik tiyuka chayta rikushpaka wakrakamakmanka sumak allpata karashka, chaymi wakrakamakrukuka allpayuk sakirishka.

Yachaykuna: Ñukanchikka alli kamakkunami kana kanchik, shina kashpami alli kamarikunata chaskita ushashun.

KAMUMANTA: Kichwa Karanki Tayta mamakunapa ñawpak rimaykuna.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s